STATUTTAR FOR NABOLAGET

Skipa 29. februar 1992.


Art. 1:

Nabolaget sitt hovudformål er sosialt samvær rundt fotball,
fysisk fostring, øl, vin, brennevin og andre gode som livet kan by på.
 

Art. 2:

Nabolaget er ein liberal anarkistisk presidentstyrt klubb med
demokratisk styre. Presidenten si makt kan ikkje vere ubegrensa.
 
 
Art. 3:

Nabolaget sitt årsmøte vel styre.
I styret sit: Presidenten, Visepresidenten, Økonomiansvarleg og Festsjef.
 

Art. 4:

Styret, jfr. art 3 er vedtaksberettiga dersom tre, 3,
av fire, 4, styremedlemmer er tilstades.
 

Art. 5:

Nabolaget sine spelarmøte har utanom årsmøte og styre den utøvande makta i klubben. 
Dette er ei utvida fullmakt til å ivareta klubben i tida fram til neste ordinære styremøte.
 

Art. 6:
 
Det er FRI SEX i Nabolaget.
 

Art. 7:
 
Medlemskapen i Nabolaget er knytt til Gloppen.
Skulegang og anna tilhøyrsle vert godteke, dersom tilhøyrsla har ein varig og stabil karakter.
Det er eit utvida domisilprinsipp som vert lagt  til grunn for vurderinga om ein oppfyller  medlemskapsvilkåra. Naboar som medlemane måtte ha i Bergen er ikkje omfatta av domisilprinsippet.
 

Art. 8:
 
Nabolaget sondrar mellom aktivt medlemskap og seniormedlemskap.
Vilkåret for aktivt medlemskap tre, 3, treningar pr. semester, i tillegg til å oppfylle
vilkåra i art. 7. Det kan gjevast dispensasjon ved særlege høve. (Lex. Heimset).
Som seniormedlemskap vert rekna den som tidlegare har oppfylt krava til aktivt medlemskap.
 

Art. 9:
 
Nabolaget si målform er tilnærma NYNORSK.
 

Art. 10:

Vårt legitime rusmiddel vert avgjort av det einskilde medlemmet til ei kvar tid,
og utifrå ei samla vurdering av kva som passar staden, tida og tilhøva ikring aller best.
 
 
Art. 11:

Nabolaget skal vere politisk uavhengig.
 
 
Art. 12:

Dersom det under nokre av Nabolaget sine samkome skulle vere einskilde  fysiske behov som det er av stor betydning for einskildmedlemmet å få oppfylt, skal dette innvilgast etter ei konkret behovsprøving.
 
 
Art. 13:

Nabolaget sitt årsmøte skal ta stilling statuttendringar og val. Møte og røysterett har berre dei
aktive medlemmene. Årsfesten skal innehalde faste postar. Festrett har samtlege medlemmer.
Årsfesten vel den dei vil til det dei vil for eksempel  rekrutteringssjef, konsulent, duskedameleiar,
kvinnekontakt og coach m.fl. Desse er ikkje medlemmer av styret. Alle vala skjer ved simpelt fleirtal.
 
 
Art. 14:

Nabolaget sine statuttar kan endrast dersom ¾ årsmøte røystar for endringa.
Ved tilføying av ein ny artikkel til statuttane må minst 2/3 av årsmøte røyste for tilføyinga (Kroken).
 
 
Art. 15:

Årsmøte fastset medlemskontingenten for kvart år, og dette
gjeld både for aktive medlemmer og seniormedlemskap.
 

  EIN GONG NABOLAGAR - ALLTID NABOLAGAR!